阿貓之家2008

おとうとのすし
上星期一家人閒聊, 膠聰談到由他做一頓壽司晚餐, 我們當然舉腳讚成, 於是收工就買了三文魚, 蟹籽等材料回家等著吃. 頭幾款軍艦和手握壽司, 都幾像樣.


再來膠聰的那手手卷款色, 香脆的紫菜加上新鮮的三文魚和蟹籽, 卷得有板有眼, 很好味.





第三炮做了幾款手卷, 有三文魚, 細細粒, 膠聰將一片紫菜開二, 就可以卷多一點, 亦不會浪費紫菜.




鰻魚反卷, 出街我從來不吃的款色, 因為價錢不值, 但自己做就超值得多.





青瓜蟹籽反卷加芝麻醬, 很野味.






另一款三文魚反卷, 我最愛這個, 亦是我覺得做得最精緻的一款.





壓軸的花之卷, 以新手來說已經很美, 下次買魚生時請師傅將三文魚再切薄一點會更加靚.
其實膠聰做了壽司學徒都有兩個月, 見他有份正常的工作, 又肯返工已經很安慰, 希望他學滿師後, 可以三姐弟開間小鋪買壽司和日本零食, 三個一起做老板.