轉移陣地
收工買了一小包水晶泥和一杯無印良品的橙汁, 橙汁的玻璃杯是用來做花瓶的. 別看小這些小小的水晶泥, 乾身時只有蟹子般大, 但吸水後就有玻子般大, 我將發了芽的message bean於入水晶泥內, 可以種得美觀一點. p.s.隊長粒荳連芽都未發.

message bean
背五十音圖背到好depress, 於是收工四處走走, 行經一間雜貨店, 門口放了一籃種子, 種子表面印有小小字句, 如身體健康, 小天使等. 幾年前這些小種子都幾貴, 但現在只售五元一粒, 可算是在這個加價潮裏小數尚未受影響的產品. 我將"老公我愛你"的種子寄養在隊長家, 希望牠會生長得肥肥白白.

個腦死左
昨天上完第一課日文, 原來日文比想像中困難得多, 先要背平假名, 再要背片假名, 又要學併音, 文法又要學, 我背了兩個鐘都記不到這些象形文字的讀法, 其實只for旅行讀速成班都ok, 先學學英語拼音, 快靚正. 所以做每件事都要停一停, 諗一諗. 往後這十一個星期都好難過.

一個賣懶的人
自去年讀完會計後一直都遊手好閒, 但由明天起, 一連十二個星期的水曜日, 我都會到西灣河上日語課程, 學習一種新外語. 今次上的是初級班, 不太 expect學得很多, 可以說些簡單的短句我已經很滿足.

今年第一波
在風大雨大的今天同隊長入東薈城, 由於三號風球關係, 今次行的行車線是平日不會開放, 只有在大風雨才開放的青馬大橋下段路, 雖然可以見到機鐵在身邊極速行駛, 但我此終喜歡行橋面, 因為可以邊行邊欣賞四周風景.

終於有hermes
今日上hermes網download了幾個kelly bag demo, 好得意. print 出來再按指示摺起便可, 有一款白色demo可以自己design. 我今日摺了三個, 明天再摺多點, 如果是現貨, 我今天就多了十多萬, 哈哈.

下......
原來我最熱愛的bear bear q 的工場就在我工作的工廠大廈內, 我到今朝等lift 時才知道, 不知道今期有什麼新貨呢? 我上網看看先.
nwa與delta合併, nwa將成為歷史, 以後去東京就少了一個平價機票選擇.

好姊妹宣言
今日sharon send 左個 "好姊妹宣言" 比我, 睇完之後我個人愈縮愈少, 愈來愈羞愧, 愈來愈唔敢睇, 所以我post上黎比大家自己睇 :
" 何謂好姊妹？你開心果陣.會同你一齊笑。你吾開心果陣, 就算幾唔得閒都會陪你安慰你. 當你喊果陣, 會借個博頭比你; 甚至喊埋一份… 就算系你做錯野, 都會撐你; 吾會理你系岩定吾岩～你發脾氣話; 佢會忍…吾會話番你～當有好野會益埋你，但系衰左吾會拖埋你落水:) 你要幫手果陣, 永遠都唔會拒絕你！你無錢果陣; 會請你食飯, 吾會同你計, 吾會妒忌對方; 吾會有比較, 對對方真心, 誠實, 有義氣B-) 而你就係我既好姊妹, 共同進退:-) sd比你嘅好姊妹.等佢地知咩係好姊妹 :):-D "

money-conscious
money-conscious : 意即市儈. 自從讀完會計後, 個人都變得市儈, 買野都要格乾格淨先買, 又唔捨得洗錢, 不過我都是姑寒自己, 為了將來退休有好日子過. 有種money-conscious就最喜歡慷他人之慨, 將自己唔要的零成本物件轉贈別人, 扮大方, 值以提升自己人氣, 扮好人, 但私下就一毛不拔算到盡又貪心貪錢貪著數 , 成日想人還人清佢條人情債, lee d 人堆田都覺得左訂, 唔好獻世.

不肖的呼嚕呼嚕
約8:00am, 家家慣性好似一隻pat pat豬般pat在大門前, 準備一開門就沖出走廊耍個痛快. 暫且不要理會影片的質數, 只要開大個喇叭, 就會聽到家家呼嚕呼嚕的聲音, 可知他每朝到走廊玩耍就好似d阿伯每朝都要晨運一樣重要.

迫人食零食
為了給隊長儲印花, 換bear bear, 收工我到7仔買了幾盒綠茶cookies和卡樂b薯條, 一邊食一邊步行回家, 以消耗多餘的卡路里.

朱少的傑作
原來除我之外, 家中還有一人很喜歡買東西給家家. 今天朱少買了一個印滿小貓子的碗仔給家家裝水, 家家當然第一時間用個臭鼻鼻嗅了隻碗仔多次, 確定安全後 (方死毒死佢) 才享用.

真正豪華團
今日報紙介紹一個超級豪華團, 用5萬幾美金及92日假期坐遊輪silversea cruises 環遊世界, 為這個陰暗的春天帶來一點刺激. 但如果我豪得起四十幾萬我都未必會參加.

又有貓仔除
holiday mood勁濃的星期一又到, 今朝8:00am才起床, 當然遲到la. 開窗吸口新鮮空氣, 發現留下有隻黃貓仔, 左耳被剪了一角, 即他與家家一樣是隻貓公公. 貓公公悠然自得地幫自己清潔身體, 整理毛髮, 這種閒情是貓奴多麼享往的.

底褲仔的祕密
春回天地, 又時臭家家爆蚤的季節. 蚤蚤真有牠一套求生本能, 牠們聰明地躲在家家的底褲仔內, 就像知道家家不喜歡別人觸摸他的肚腩仔似的, 每次我們見到他有蚤蚤都出盡九牛二虎之力才能把蚤蚤消滅, it's a hard job.

冷落的手信
今天day off, 和家家玩了一陣ball仔, lunch吃了日本買回來而被冷落的拉麵, 味道一般.
個心"囉囉戀", 好想做d自己從來都未做過的新事情, 不想時間白白流逝, 但有没有如此勇氣.

隊長的第一次
今晚與隊長食老千拉麵, 原來隊長從未到過此店, 他的第一次又給了我. 回家後和sharon msn 至 2:30am 才睡覺.
p.s. 今天報紙看到一隻小黑狗困於後山50米高懸崖中間的狹小石壆, 希望小黑狗能自行逃脫.

delay no more
收工到工聯會報讀了初級日語課程, 希望在變中女前學多一門知識, 順道到日本溝仔.
今晚食了新出的蜜瓜味百力滋, 甜甜的, 蜜瓜味好假. 隔離個model好cool.